༄༅༑ ༑དགའ་ལྡན་ལྔ་མཆོད་སྲུང་བརྩི།

༄༅། །བཀུར་འོས་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཚོགས་མི་རིན་པོ་ཆེ་རྣམ་པ་ལྷན་རྒྱས་གཙོས་དགེ་ལྡན་རྗེས་འཇུག་པ་ཡོངས་ལ། འདི་ལོ་དགའ་ལྡན་ལྔ་མཆོད་ཆེན་པོའི་ལོ་ ༦༠༠ འཁེལ་བས་དུས་ཚིགས་དེ་སྲུང་བརྩི་གང་ལེགས་ཞུ་དགོས་ཞེས་ལྷན་ཚོགས་ཐོག་གྲོས་ཆོད་བྱུང་དོན་བཞིན་འདི་ནས་དགའ་ལྡན་ལྔ་མཆོད་ཉིན་༸གོང་ས་ཆེན་པོ་མཆོག་ནས་དམིགས་བསལ་བཀའ་ཆོས་སྩོལ་གནང་ཡོང་བའི་གསོལ་འདེབས་ཞུ་དོན་ཞལ་བཞེས་སྤྱི་བོར་སྨིན་པའི་གཏམ་བཟང་སྙན་འབུལ་ཞུ་རྒྱུ་དང། ཡང་གདན་ས་དང་གྲྭ་ཚང་ཁག་ཏུ་དམིགས་བསལ་སྐྱོར་སྦྱང་གནང་རྒྱུའི་ལག་ལེན་དམ་དོན་དང་ཁྱབ་བསྒྲགས་རྒྱ་ཆེན་གནང་ཐབས་ཡོང་བ་ཞུ། ཞེས་རྒྱལ་སྤྱིའི་དགེ་ལྡན་ལྷན་ཚོགས་ནས་གུས་འདུད་བཅས་ཕུལ།།