༄༅། །བོད་རབ་གནས་ཤིང་འབྲུག་བོད་ཟླ་ ༠༧ཚེས་ ༡༢དང་༡༣ཕྱི་ལོ་ ༢༠༢༤ཟླ་ ༠༩ཚེས་ ༡༥དང་༡༦བཅས་་ཉིན་གཉིས་རིང་། གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དུ་ཆགས་པའི་དགའ་ལྡན་ཁྲི་ཐོག་ཁང་གི་བཀྲ་ཤིས་པའི་གཙུག་ལག་ཁང་དུ། དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་རབ་བྱུང་གི་མཁན་པོ་དང། ཤར་རྩེ་ཁ་རི་མཁན་སྤྲུལ་བསྟན་འཛིན་བློ་བཟང་མཆོག་གིས་དགེ་ཚུལ་གྱི་སློབ་དཔོན། བྱང་རྩེ་དགེ་བའི་བཤེས་གཉེན་ཆེན་པོ་དགེ་བཤེས་བསྟན་འཛིན་རྒྱལ་མཚོ་མཆོག་གིས་་དུས་གོ་དང་། དགེ་བའི་བཤེས་གཉེན་དགེ་བཤེས་དགེ་འདུན་ཆོས་འཕེལ་མཆོག་གི་ གྲོགས་དན་མཛད་པ། དགེ་བའི་བཤེས་གཉེན་དགེ་བཤེས་ཤར་རྩེ་བློ་བཟང་བཟོད་པ་མཆོག་དང་། དགེ་བའི་བཤེས་གཉེན་བྱང་རྩེ་དགེ་བཤེས་དབང་ཆེན་ནོར་བུ། དགེ་བའི་བཤེས་གཉེན་བྱང་རྩེ་དགེ་བཤེས་འཕྲིན་ལས་། དགེ་བའི་བཤེས་གཉེན་ཤར་རྩེ་དགེ་བཤེས་བློ་བཟང་ཡེ་ཤེས་། དགེ་བའི་བཤེས་གཉེན་ཤར་རྩེ་དགེ་བཤེས་ཀླུ་སྒྲུབ་བསྟན་དར་བཅས་ཀྱིས་ལས་གྲལ་མཛད་ནས། བསྒྲུབ་བྱ་དགའ་ལྡན་ཤར་བྱང་གྲྭ་ཚང་གཉིས་ཀྱི་གསར་ཞུགས་པ་གྲངས་༡༥༧ དགེ་ཚུལ་གྱི་སྡོམ་པ་ཡང་དག་པར་བླངས་སོ།། September 16, 2024Events TibetanGeluk Foundation
༄༅། །ཕྱི་ལོ་ ༢༠༢༤ ལོའི་དབྱར་གནས་ཆེན་མོའི་སྐབས་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་གི་མཛད་འཆར་དང་། རྒྱལ་སྤྱིའི་དགེ་ལྡན་ལྷན་ཚོགས་ཀྱི་ལས་དོན་ཁག September 12, 2024Events TibetanGeluk Foundation
རྒྱལ་སྤྱིའི་དགེ་ལྡན་ལྷན་ཚོགས་ཀྱི་ལོ་འཁོར་ཚོགས་ཆེན་དང་གཞུང་འཛིན་ལྷན་ཚོགས། September 9, 2024Events TibetanGeluk Foundation
༄༅། །ལོ་ལྟར་དབྱར་གནས་སྐབས་གདན་ས་གྲྭ་ཚང་སོ་སོའི་ནང་དུ་དཔེ་ཁྲིད་དགེ་རྒན་རྣམས་ཀྱིས། སློབ་གཉེར་བ་རྣམས་ལ་རྗེ་ཙོང་ཁ་བ་ཆེན་པོའི་གསུང་དགེ་ཚུལ་གྱི་བསླབ་བྱ་གནམ་རྩེ་ལྡེང་མ་དང༌། ༸གོང་ས་༸སྐྱབས་མགོན་ཆེན་པོ་མཆོག་གི་གསུང་དགེ་སློང་གི་བསླབ་བྱ་ཐུབ་དབང་ཞལ་ལུང་སོགས་དགེ་ཚུལ་སློང་གི་བསླབ་བྱ་དང༌། དམ་ཆོས་འདུལ་བའི་སྐོར་ལ་བགྲོ་གླེང་འཚོག་བཞིན་པ། September 8, 2024Events TibetanGeluk Foundation
འདི་ལོ་ནས་བཟུང་ལོ་ལྟར་ང་ཚོས་དགའ་སྤོབས་ཆེན་པོས་ངང་ནས་༸གོང་ས་༸སྐྱབས་མགོན་༸རྒྱལ་དབང་ཡིད་བཞིན་ནོར་བུ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་སྐུའི་འཁྲུངས་སྐར་ཕྱི་ཟླ་བདུན་པའི་ཚེས་དྲུག་ཉིན། འཛམ་གླིང་སྙིང་རྗེའི་ཉིན་མོར་ (Universal Day of Compassion) སྲུང་བརྩིའི་སྒོ་ནས། ༸གོང་ས་ཆེན་པོ་མཆོག་གིས་བྱམས་བརྩེ་དང་སྙིང་རྗེ་གོང་སྤེལ་སོགས་ཟླ་བྲལ་དབུ་ཁྲིད་ཀྱི་མཛད་འཕྲིན་རླབས་པོ་ཆེ་སྐྱོང་བཞིན་པ་འདིར་ང་ཚོ་ཚང་མས་སྔར་ལྷག་ཁོང་གི་རླབས་ཆེན་མཛད་འཕྲིན་ལ་རྒྱབ་སྐྱོར་དང་། གཞོགས་འདེགས་ཆེད། བྱམས་བརྩེ་སོགས་ཀུན་ཕན་རླབས་ཆེན་གྱི་མཛད་པ་རྣམས་ཁྱབ་སྤེལ་ཤུགས་ཆེར་ཞུ་རྒྱུ་ཡིན་པར་བརྟེན། འཛམ་གླིང་སྙིང་རྗེའི་ཉིན་མོ་ (Universal Day of Compassion) སྲུང་བརྩིའི་ལས་རིམ་དོན་དང་ལྡན་པ་འབྱུང་ཕྱིར། ད་ནས་བཟུང་སྔར་ལྷག་ང་ཚོ་ཚང་མ་མཉམ་འབྲེལ་གྱིས་རང་རང་སོ་སོས་རང་ནུས་གང་ལྕོགས་ཀྱིས་སྐྱེ་བོ་གཞན་དང་གཞན་ལ་བྱམས་སྐྱོང་དང་། སྙིང་རྗེ། གཞན་ཕན་གྱི་བསམ་པ་སོགས་ཡར་རྒྱས་གོང་སྤེལ་ཤུགས་ཆེར་གཏང་དགོས་པའི་གསལ་བསྒྲགས། July 9, 2024Events TibetanGeluk Foundation
རྒྱལ་སྤྱིའི་དགེ་ལྡན་ལྷན་ཚོགས་ཀྱིས་གོ་སྒྲིག་ཞུས་པའི་གཞུང་ཆེན་རིགས་གཅིག་རྐང་འཛིན་སྐབས་དང་པོའི་ངག་རྒྱུགས་ཆེན་མོ། April 28, 2024Events TibetanGeluk Foundation
༄༅། །ཕྱི་ལོ་ ༢༠༢༤ ཕྱི་ཟླ་ ༤ ཚེས་ ༢༦ དང་ ༢༧ ཉིན་གཉིས་རིང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གོ་སྒྲིག་འོག་ཟས་བཅུད་ཁྱད་ལས་པ་ལྕམ་སྐུ་ཤི་ལ་ཀིར་ན་སོ་མི་མཆོག་ནས་རང་ཁོངས་ཚོགས་མི་གྲྭ་ཚང་ཡོང་གི་ཕྱག་མཛོད་དང་རུང་ཁང་འགན་འཛིན་རྣམས་ལ་ཟས་བཅུད་འཕྲོད་བསྟེན་ཐོག་ཟབ་སྦྱོང་དང་སྦྱོང་བརྡར་གནང་བ།། April 26, 2024Events TibetanGeluk Foundation
༢༠༢༤ ཟླ་ ༠༣ ཚེས་ ༡༤ ནས་ ༡༧ བར་ཧད་དྷར་བྷ་དྷི་རུ་རྒྱ་གར་དབུས་རིག་གཞུང་ལྷན་ཚོགས་ནས་གོ་སྒྲིག་གནང་བའི་རྒྱལ་སྤྱིའི་ཆོས་ལུགས་མཐུན་ཚོགས་ནང་གདན་གསུམ་གྲྭ་ཚང་དྲུག་དང་། བཀྲིས་ལྷུན་པོ། དཔལ་ལྡན་སྨད་རྒྱུད་གྲྭ་ཚང་། སྟག་ཚང་རྭ་སྟོད་གྲྭ་ཚང་བཅས་ཀྱི་དགེ་འདུན་པ་རྣམས་ནས་མཉམ་བཞུགས་གནང་ཡོད། March 20, 2024Events TibetanGeluk Foundation
༄༅། །རྒྱལ་སྤྱིའི་དགེ་ལྡན་ལྷན་ཚོགས་ཀྱི་གོ་སྒྲིག་འོག་ཕྱི་ལོ་ ༢༠༢༤ ཕྱི་ཟླ་ ༢ ཚེས་ ༡༤ ནས་ ༡༦ བར་ཉིན་གསུམ་རོང་རིགས་གཅིག་རྐང་འཛིན་ཉམས་ཞིབ་ཀྱི་ལས་འཆར་ཐོག་འབྲུག་རྒྱལ་ཁབ་ནས་ཆེད་ཕེབས་སློབ་དཔོན་རྣམས་ལ་གཞུང་ཆེན་བཀའ་པོད་ལྔ་དང་། གསང་སྔགས་ཀྱི་ཐོག་ལ་ཉམས་ཞིབ་ཀྱི་ཐབས་ལམ་དང་ལུང་མཆན་འགོད་ལུགས་སྲོལ་རྒྱུན་དང་དེང་དུས་གཉིས་ཀའི་སྟེང་ནས་ཟབ་སྦྱོང་དང་སྦྱོང་བརྡར། February 14, 2024Events TibetanGeluk Foundation
༄། དེ་ཡང་རབ་བྱུང་ ༡༧ པའི་ཆུ་ཡོས་ལོའི་བོད་ཟླ་ ༠༨ པའི་ཚེས་ ༠༧/༠༨ ཕྱི་ལོ་ ༢༠༢༣ ཟླ་ ༠༩ ཚེས་ ༢༣ གཟའ་སྐར་འཕྲོད་སྦྱོར་དགེ་བའི་ཉིན་ནས། ཕྱི་ཚེས་ ༢༤ བར་ཉིན་གཉིས་ཀྱི་རིང་། གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་གི་འདབས་སུ་ཆགས་པའི་དགའ་ལྡན་ཁྲི་ཐོག་ཁང་གི་བཀྲ་ཤིས་པའི་གཙུག་ལག་ཁང་གི་ཚོམས་ཆེན་དུ། འཇམ་མགོན་བླ་མ་ཙོང་ཁ་པ་ཆེན་པོའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་རབ་བྱུང་གི་མཁན་པོ་དང། དགའ་ཤར་ཁ་རི་མཁན་སྤྲུལ་རིན་པོ་ཆེ་བསྟན་འཛིན་བློ་བཟང་མཆོག་གིས་དགེ་ཚུལ་གྱི་སློབ་དཔོན། དགའ་བྱང་བླ་མ་གཞུང་ལས་པ་དགེ་བཤེས་བསྟན་འཛིན་རྒྱ་མཚོས་དུས་གོ་དང་གྲོགས་དན་མཛད་པ་དང། དགའ་ལྡན་ཁྲི་ཐོག་ཁང་གི་དྲུང་ཆེ་དང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངེས་སྟོན་པ་གཅིག་ལྕོགས་འབྲས་སྤུངས་སྒོ་མང་མཁན་ཟུར་རིན་པོ་ཆེ་རྗེ་བཙུན་བློ་བཟང་རྒྱལ་མཚན་མཆོག་དང་། དགའ་བྱང་མཁན་རིན་པོ་ཆེ་རྗེ་བཙུན་་བློ་བཟང་བསྟན་པ་མཆོག དགའ་ཤར་སྤྲུལ་སྐུ་བསྟན་འཛིན་འོད་ཟེར་རིན་པོ་ཆེ། དགའ་ཤར་དགེ་བཤེས་དཀོན་མཆོག་བཙུན་གྲུས་ དགའ་བྱང་དགེ་བཤེས་བློ་བཟང་ཟླ་བ་བཅས་ཀྱིས་ལས་གྲལ་མཛད་ནས། བསྒྲུབ་བྱ་དགའ་ལྡན་ཤར་བྱང་གྲྭ་ཚང་གཉིས་ཀྱི་སློབ་གཉེར་བ་བརྒྱ་ཕྲག་གཅིག་དང་བཅུ་ཕྲག་གཉིསདང་ཉག་མ་དྲུག་དང། (༡༢༦ དགེ་ཚུལ་གྱི་སྡོམ་པ་ཡང་དག་པར་བླངས་སོ།། August 25, 2023Events TibetanGeluk Foundation
སྐུའི་འཁྲུངས་སྐར་སྲུང་བརྩི། ཕྱི་ཟླ་ ༧ པའི་ཚེས་ ༦ དེ་བཞིན་ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན། ༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་ཐམས་ཅད་མཁྱེན་པ་ཆེན་པོ་མཆོག་གི་ཁྲུངས་སྐར་ལགས་ན། སྐལ་བཟང་གི་ཉིན་མོ་དེར་འདི་ག་རྒྱལ་སྤྱི་དགེ་ལྡན་ལྷན་ཚོགས་ནས། མགོན་པོ་གང་ཉིད་སྐུ་ཚེ་བསྐལ་བརྒྱར་བརྟན་པའི་རྟེན་འབྲེལ་དུ། ཁོར་ཡུག་སྲུང་སྐྱོབ་དང་འབྲེལ་བའི་ཤིང་སྣ་འདེབས་འཛུགས་ཀྱི་ལས་གཞི་ཞིག་སྟེ། མཧྷ་གོ་ནི་ཞེས་པའི་ཤིང་སྡོང་ལྔ་བརྒྱ་བརྒྱད་དང་། བྱང་ཆུབ་ལྗོན་ཤིང་། མེ་ཏོག་སྣ་ཚོགས་འདེབས་འཛུགས་ཞུས་པ། July 7, 2023Events TibetanGeluk Foundation
ཕྱི་ལོ་ ༢༠༢༣ ཕྱི་ཟླ་ ༤ ཚེས་ ༢༥ ནས་ ཟླ་ ༥ ཚེས་ ༡ བར་བདུན་གཅིག་རིང་དགའ་ལྡན་ཁྲི་ཐོག་ཁང་དུ་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གོ་སྒྲིག་འོག་རིགས་གཅིག་རྐང་འཛིན་ཉམས་ཞིབ་སྐབས་གཉིས་པ་དགེ་བཤེས་དང་དགེ་བཤེས་མ་རྣམས་ལ་གཞུང་ཆེན་བཀའ་པོད་ལྔ་དང་། གསང་སྔགས་རྒྱུད་སྡེ་བཞི་ དུས་འཁོར་ཐོག་ཉམས་ཞིབ་ཀྱི་ཐབས་ལམ་དང་ལུང་མཆན་འགོད་ལུགས་སྲོལ་རྒྱུན་དང་དེང་དུས་ཀྱི་ཁྱད་པར་གྱི་ཐོག་ནས་ཟབ་སྦྱོང་དང་སྦྱོང་བརྡར་ཕུལ། April 30, 2023Events TibetanGeluk Foundation
གནས་མཆོག་རྡོ་རྗེ་གདན་དུ། དགའ་ལྡན་ཁྲི་ཐོག་ཁང་དང་། རྒྱལ་སྤྱིའི་དགེ་ལྡན་ལྷན་ཚོགས་ཐུན་མོང་གིས་གོ་སྒྲིག་ཞུས་ཏེ། དཔལ་མཉམ་མེད་དགེ་ལྡན་པའི་ཆོས་བརྒྱུད་འཛིན་པ་ཡོངས་ནས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་སྐབས་ཀྱི་བརྙན་ཐུང་། January 14, 2023Events TibetanGeluk Foundation
༄༅། །སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ། November 22, 2022Events TibetanGeluk Foundation
རྒྱལ་སྤྱིའི་དགེ་ལྡན་ལྷན་ཚོགས་དང་ཚོགས་ཁོངས་གྲྭ་ཚང་བཅུ་གཅིག་ཐུན་མོང་གིས་གོ་སྒྲིག་ཞུས་ཏེ་དགེ་འདུན་འདུས་མང་གི་འཕྲོད་བསྟེན་ཡར་རྒྱས་ཡོངས་ཐབས་སུ། འདུས་མང་གི་སྤྱི་ཐབ་ཁང་ངམ་ལྷོ་ཚང་ཁག་ཏུ་རྒྱུན་གྱི་ཞལ་ལག་བཟོ་ཕྱོགས་དང་། ཞལ་ལག་གི་རྒྱུ་ཆ་བཅས་ཀྱི་སྐོར་ལ་ཉིན་ལྔའི་རིང་ཟབ་སྦྱོང་འཚོགས་བཞིན་པ། August 24, 2022Events TibetanGeluk Foundation
༄༅། །འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་བཞུགས་སྒར་རྡ་ས་ནས་ཆིབས་སྒྱུར་གྱིས་ཅན་རྡི་སྒར་བརྒྱུད་ཁ་སང་ཕྱི་ཚེས་ ༡༢ ཉིན། ལ་དྭགས་གླེ་ལ་ཕེབས་འབྱོར་སྐབས་ཁྲིག་སེ་རིན་པོ་ཆེ་དང། བཀྲས་ལྷུན་མཁན་ཟུར་རིན་པོ་ཆེ་བློ་བཟང་ཚེ་བརྟན། སྒོ་མང་མཁན་ཟུར་རིན་པོ་ཆེ་བློ་བཟང་རྒྱལ་མཚན་དང་ནང་ཚོགས་དང་དགོན་ཚོགས་ཀྱི་དབུ་སྐྱོང་གཙོས་དད་ལྡན་མི་མང་ནས་སེར་སྦྲེངས་དང་བཅས། ནང་ཚོགས་དང་དགོན་ཚོགས་སོགས་ནས་ཕེབས་སྟོན་མཛད་སྒོ་གཟབ་རྒྱས་ཞུས། སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་དྭགས་སུ་ཟླ་གཅིག་མིན་ཙམ་བཞུགས་ཏེ། དད་ལྡན་མི་མང་ལ་ཆོས་འབྲེལ་དང་། དགོན་སྡེ་ཁག་ཏུ་གསར་ཞུགས་རྣམས་ལ་དགེ་ཚུལ་གྱི་སྡོམ་པ་འབོགས་ཆོག་གནང་རྒྱུའི་མཛད་འཆར་སོགས་ཡོད། July 14, 2022Events TibetanGeluk Foundation
