དགའ་ལྡན་ཁྲི་ཐོག་ཁང་དང་རྒྱལ་སྤྱིའི་དགེ་ལྡན་ལྷན་ཚོགས། ཨ་རི་ཆོ་འཕྲུལ་སྨོན་ལམ་ཚོགས་པ་དང་དགའ་ལྡན་ཚོགས་ཆེན། དགའ་ལྡན་ཤར་བྱང་གྲྭ་ཚང་གཉིས། འཇང་དགུན་ཆོས་ཚོགས་པ་བཅས་ཐུན་མོང་གིས་གོ་སྒྲིག་ཞུས་ཏེ། ཕྱི་ལོ་ ༢༠༢༥ ཟླ་བ་ ༡ ཚེས་ ༡༠ ཉིན། འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་ཚོགས་མགོན་དུ་གདན་ཞུས་ཀྱིས། ཉེ་ཆར་བོད་ནང་དུ་ས་ཡོམ་རྐྱེན་པས་མི་མང་པོ་ཞིག་འདས་གྲོང་སུ་ཕྱིན་པ་དང་རྨས་སྐྱོན་བྱུང་བ་རྣམས་ལ་གདུང་སེམས་མཉམ་བསྐྱེད་དང་མཆོད་འབུལ་སྨོན་ལམ་ཚོགས་ཡོད། January 14, 2025Events Tibetan, News TibetanGeluk Foundation
རྒྱལ་སྤྱིའི་དགེ་ལྡན་ལྷན་ཚོགས་ཀྱི་ངོ་རྒོལ་བསྒྲགས་གཏམ། དེ་ལྟའི་རླབས་ཆེན་སྐྱེས་མཆོག་རང་ཅག་བོད་མིའི་མགོན་སྐྱབས་༸རྒྱལ་དབང་ཡིད་བཞིན་ནོར་བུ་མཆོག་ལ། ཉེ་ལམ་ཨོ་སི་ཊོ་ལི་ཡ་ (Australia) རུ་གནས་སྡོད་བོད་མི་སེང་གེ་ཟེར་བ་འབྱུང་པོས་རྒྱུད་བརླམས་པའི་སྐྱེ་བོ་གང་དེས། སྤྱི་ཚོགས་དྲ་ལམ་ནས་མཚན་སྨད་དང་སྒྲོ་བཀུར་བློ་ཡུལ་ལས་འདས་པ་ཞུས་ཤིང་། ༸རྒྱལ་བའི་སྐུ་ཕྱྭ་ལ་སེམས་འཚབ་སྐྱེ་གཞིའི་འཇིགས་སྐུལ་དང་སྐད་ཆ་ཚབས་ཆེན་བཤད་པ་དང་། དབུས་བོད་མིའི་སྒྲིག་འཛུགས་ལའང་དགྲ་བོའི་འདུ་ཤེས་བཟུང་སྟེ་དྲ་ལམ་དུ་གཏམ་འཆལ་སྣ་ཚོགས་སྤེལ་བ་ལྟ་ཉན་ཙམ་ཡང་བཟོད་དཀའ་བའི་གནས་སུ་འདུག་པ་འདི་དག་ལ་མཐའ་གཅིག་ཏུ་ངོ་རྒོལ་སྐྱོན་བརྗོད་ཡོད། September 27, 2024News TibetanGeluk Foundation
རྒྱལ་སྤྱིའི་དགེ་ལྡན་ལྷན་ཚོགས་དང་ཚོགས་ཁོངས་གྲྭ་ཚང་བཅུ་གཅིག་ཐུན་མོང་གིས་གོ་སྒྲིག་ཞུས་ཏེ་དགེ་འདུན་འདུས་མང་གི་འཕྲོད་བསྟེན་ཡར་རྒྱས་ཡོངས་ཐབས་སུ། འདུས་མང་གི་སྤྱི་ཐབ་ཁང་ངམ་ལྷོ་ཚང་ཁག་ཏུ་རྒྱུན་གྱི་ཞལ་ལག་བཟོ་ཕྱོགས་དང་། ཞལ་ལག་གི་རྒྱུ་ཆ་བཅས་ཀྱི་སྐོར་ལ་ཉིན་ལྔའི་རིང་ཟབ་སྦྱོང་འཚོགས་བཞིན་པ། August 24, 2022Events Tibetan, News TibetanGeluk Foundation
༄༅། །འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་བཞུགས་སྒར་རྡ་ས་ནས་ཆིབས་སྒྱུར་གྱིས་ཅན་རྡི་སྒར་བརྒྱུད་ཁ་སང་ཕྱི་ཚེས་ ༡༢ ཉིན། ལ་དྭགས་གླེ་ལ་ཕེབས་འབྱོར་སྐབས་ཁྲིག་སེ་རིན་པོ་ཆེ་དང། བཀྲས་ལྷུན་མཁན་ཟུར་རིན་པོ་ཆེ་བློ་བཟང་ཚེ་བརྟན། སྒོ་མང་མཁན་ཟུར་རིན་པོ་ཆེ་བློ་བཟང་རྒྱལ་མཚན་དང་ནང་ཚོགས་དང་དགོན་ཚོགས་ཀྱི་དབུ་སྐྱོང་གཙོས་དད་ལྡན་མི་མང་ནས་སེར་སྦྲེངས་དང་བཅས། ནང་ཚོགས་དང་དགོན་ཚོགས་སོགས་ནས་ཕེབས་སྟོན་མཛད་སྒོ་གཟབ་རྒྱས་ཞུས། སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་དྭགས་སུ་ཟླ་གཅིག་མིན་ཙམ་བཞུགས་ཏེ། དད་ལྡན་མི་མང་ལ་ཆོས་འབྲེལ་དང་། དགོན་སྡེ་ཁག་ཏུ་གསར་ཞུགས་རྣམས་ལ་དགེ་ཚུལ་གྱི་སྡོམ་པ་འབོགས་ཆོག་གནང་རྒྱུའི་མཛད་འཆར་སོགས་ཡོད། July 14, 2022News TibetanGeluk Foundation
རྒྱལ་སྤྱིའི་དགེ་ལྡན་ལྷན་ཚོགས་ཀྱིས་ནང་པའི་སློབ་གཉེར་ཁང་གསར་འཛུགས་དང་འབྲེལ་བའི་གསར་འགོད་ལྷན་ཚོགས་བསྐོང་ཚོགས་གནང་བ། July 8, 2022News Tibetan, VideosGeluk Foundation
ཕྱི་ཟླ་ ༧ པའི་ཚེས་ ༦ དེ་བཞིན་ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན། ༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་ཐམས་ཅད་མཁྱེན་པ་ཆེན་པོ་མཆོག་གི་ཁྲུངས་སྐར་ལགས་ན། སྐལ་བཟང་གི་ཉིན་མོ་དེར་འདི་ག་རྒྱལ་སྤྱི་དགེ་ལྡན་ལྷན་ཚོགས་ནས། མགོན་པོ་གང་ཉིད་སྐུ་ཚེ་བསྐལ་བརྒྱར་བརྟན་པའི་རྟེན་འབྲེལ་དུ། ཁོར་ཡུག་སྲུང་སྐྱོབ་དང་འབྲེལ་བའི་ཤིང་སྣ་འདེབ་འཛུགས་ཀྱི་ལས་གཞི་རྒྱ་ཆེན་ཞིག་སྤེལ། July 7, 2022News TibetanGeluk Foundation
༄༅། །ཕྱི་ལོ་ ༢༠༢༢ ཟླ་ ༧ ཚེས་ ༣ ཉིན། རྒྱལ་སྤྱིའི་དགེ་ལྡན་ལྷན་ཚོགས་ཀྱི་དབུ་བཞུགས་སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་། མཚུངས་མེད་བྱང་རྩེ་ཆོས་རྗེ་སྒོ་སོག་རིན་པོ་ཆེ་མཆོག། གདན་ས་གྲྭ་ཚང་ཁག་གི་མཁན་རིན་པོ་ཆེ་རྣམ་པ། ནང་པའི་སློབ་གཉེར་ཁང་གི་སློབ་སྟོན་པ་རྒྱ་གར་གྱི་ཆེས་མཐོའི་མི་སྣ་དང་ཆེད་མཁས་པ་ཁག་ཅིག་བཅས། ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན། ༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་ཐམས་ཅད་མཁྱེན་པ་ཆེན་པོ་མཆོག་ལ་མཇལ་བཅར་ཐོག་ནང་པའི་སློབ་གཉེར་ཁང་གི་བཅའ་ཁྲིམས་མཚན་རྟགས་འབྱར་མའི་རྩ་འཛིན་ཡིག་ཆ་དེ་ཉིད་སྤྱན་འབུལ་དང་འབྲེལ་ལམ་སྟོན་བཀའ་སློབ་བཟང་པོ་ཐོབ། July 5, 2022News TibetanGeluk Foundation
༄༅། །༧སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་ས་ག་ཟླ་བའི་དུས་ཚིགས་ཁྱད་པར་ཅན་དང་བསྟུན་ཕྱི་ཟླ་ ༦ ཚེས་ ༡༠ ཉིན་སེར་བྱེས་མཁས་སྙན་གྲྭ་ཚང་གི་སྔགས་ཀྱི་འཛིན་གྲྭ་དབུ་འཛུགས་ཀྱི་རྟེན་འབྲེལ་མཛད་སྒོའི་ཚོགས་མགོན་དུ་དབུ་བཞུགས་གནང་། June 12, 2022News TibetanGeluk Foundation
༄༅། །དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་ནས་ཇི་ལྟར་གསོལ་འདེབས་ཞུས་དོན་བཞིན། འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༤ པ་༸རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་ནས་ཟླ་ ༥ ཚེས་ ༢༤ ནས་ ༣༠ བར་ཉིན་གྲངས་བདུན་རིང་གི་ཆོས་འབྲེལ་ལེགས་པར་གྲུབ་རྗེས་ཁ་སང་ཕྱི་ཚེས་ ༣༠ ཉིན་དགའ་ལྡན་ཤར་རྩེ་གྲྭ་ཚང་ནས་བརྟན་བཞུགས་འདེགས་འབུལ་དང་། དེ་རྗེས་ས་གནས་འགོ་འཛིན་ལྷག་པ་སྒྲོལ་མ་ནས་མོན་གྷོ་འདོད་རྒུ་གླིང་སེར་སྐྱ་མི་མང་ཡོངས་ཀྱིས་ཚབ་ཞུས་ནས་མཎྜལ་རྟེན་གསུམ་འདེགས་འབུལ་ཞུས། June 9, 2022News TibetanGeluk Foundation
ཕྱི་ཟླ་ ༥ པའི་ཚེས་ ༢༤ ཉིན་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གི་ཞལ་སྔ་ནས་རྗེ་བླ་མའི་གདན་ས་དགའ་ལྡན་རྣམ་པར་རྒྱལ་བའི་གླིང་གི་ཡ་རྒྱལ་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་གཙུག་ལག་ཁང་དུ། གྲྭ་ཚང་གི་གོ་སྒྲིག་འོག་དཔལ་རྡོ་རྗེ་འཇིགས་བྱེད་ལྷ་བཅུ་གསུམ་དང་དཔའ་བོ་གཅིག་པ་གཉིས་ཀྱི་དབང་ཆེན་གྱི་སྟ་གོན་གནང། June 9, 2022News TibetanGeluk Foundation
བོད་ཟླ་ ༣ ཚེས་ ༡༦ ཕྱི་ཟླ་ ༥ པའི་ཚེས་ ༡༧ ཉིན་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གི་ཞལ་སྔ་ནས་རྗེ་བླ་མའི་གདན་ས་དགའ་ལྡན་རྣམ་པར་རྒྱལ་བའི་གླིང་གི་ཡ་རྒྱལ་དགའ་ལྡན་བྱང་རྩེ་ཐོས་བསམ་ནོར་གླིང་གྲྭ་ཚང་གི་གཙུག་ལག་ཁང་དུ། དེ་གའི་གྲྭ་ཚང་གི་བླ་སྤྲུལ་ཚོགས་པས་གོ་སྒྲིག་འོག་སྔ་ལོའི་འཕྲོས་རྒྱལ་ཚབ་རྗེའི་གསུང་ཕར་ཕྱིན་རྣམ་བཤད་སྙིང་པོ་རྒྱན་གྱི་བཤད་ལུང་གནང་དབུ་ཚུགས་པ་དང། གསུང་ཆོས་དེ་བཞིན་ཉིན་རྒྱབ་ཆུ་ཚོད་ ༡.༣༠ ནས་ ༤.༣༠ བར་དང་། དེའི་རྗེས་སེང་གདོང་མའི་རྗེས་གནང་། ཕྱི་ཚེས་ ༢༡ ནས་དགའ་བྱང་ཧར་གདོང་ཁང་ཚན་གྱིས་གསོལ་འདེབས་ཞུས་དོན་ལྟར་ཕྱག་རྡོར་འཁོར་ཆེན་ལྷ་བཅོ་བརྒྱད་ཀྱི་དབང་ཆེན་གྱི་སྟ་གོན་དང་དངོས་གཞི་ཉིན་གཉིས་བཅས། ཕྱི་ཚེས་ ༡༧ ནས་ ༢༢ བར་ཉིན་དྲུག་གི་རིང་གནང་གཏན་འཁེལ་ཡོད་འདུག།། May 18, 2022News TibetanGeluk Foundation
དཔལ་མཉམ་མེད་རི་བོ་དགེ་ལྡན་པའི་སྒྲིག་འཛུགས་ལྟེ་བ་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་ཆང་ཆེན་པོ་མཆོག་ལ་བརྟན་བཞུགས་བསྟར་འབུལ།། April 15, 2022News TibetanGeluk Foundation
སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་ལ་བརྟན་བཞུགས་བསྟར་འབུལ། March 31, 2022News TibetanGeluk Foundation
༄༅། །འཛམ་གླིང་ཞི་བདེའི་དེད་དཔོན་༸གོང་ས་༸སྐྱབས་མགོན་༸རྒྱལ་དབང་ཡིད་བཞིན་ནོར་བུ་ཆེན་པོ་མཆོག་དབུ་བཞུགས་ཐོག་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་དམིགས་བསལ་གོ་སྒྲིག་ཞུས་པའི་གཞུང་ཆེན་བཀའ་པོད་ལྔ་དང། གསང་སྔགས་བཅས་ཀྱི་ཐོག་དཔེ་ཁྲིད་དགེ་རྒན་རྣམ་པའི་བགྲོ་གླེང་ཆེན་པོ། །། January 6, 2022News Tibetan, VideosGeluk Foundation
དབུ་མ་བཞི་བརྒྱ་པའི་དྲ་ཐོག་བགྲོ་གླེང་ཆེན་མོ། ཉིན་དང་པོའི་ཚོགས་ཐེངས་དང་པོ། December 4, 2021News Tibetan, VideosGeluk Foundation
